Tagalog Corner

Welcome to the Tagalog Corner page. Herein are expressions of faith and personal testimonies of FPBC members and friends inscribed in “tagalog” - the national language of the Philippines . We hope that this will encourage our Filipino brothers and sisters, whatever situation of life they are in and wherever they are in this world, always remembering that our God is faithful.

MAY AKDA

	Katha ni Eric Belarga
	FPBC Deakono

Kung tunay nga nating pakalili
Dito sa daigdig ating sisiyasatin
Mayroon nga bang natatagong lihim
Sa Dios na may akda ng maaring isipin.

Sa pagsilang hanggang sa paglibing
Sa pagbangon hanggang sa pagkakahimbing
Hindi ba’t Siya ang nakakatalos
Anumang ating gawin at ikilos.

Ang Dios ang may akda ng bawat buhay
Ang maestrong may hawak ng bawat kulay
Ang kanyang nagdisenyo nitong daigdig
Na siya rin magapasya ng huli nitong pintig.

O bakit ang tao ay puno ng pagbalisa
Kung hatid nitong may Amang kumakalinga
Di hamak na dambuhala taglay Niyang hiwaga
Himalang maituturing iniusal Niyang salita.

Kung para sa iyo at sa akin
Nananalig na ating Bathala ang may angkin
Bakit hindi ngayon din idulog sa panalangin
Walang hanggang buhay, kamtan at angkinin.

Dumaan man ngayon sa mapanganib na landas
Di mababahala sa magkabilang bangin at talampas
Pagkat itong Dios na walang pagkupas
Nakasisigurong sa bisig Niya’y ligtas.

Anong suliranin ang masasabing mabigat
Anong karamdaman ang sa lunas ay salat
Anong paghihirapang walang katapat
Sa Dios ko at Hari tapos silang lahat.

Sino nga ba ang makapaghihiwalay
Sa atin at sa tunay na may akda ng buhay
Mauubos at mapapaos ang tinig kong taglay
Subalit sa may akda walang makapantay.